न्यूज़कट्टा प्रतिनिधी
आज राजकारण म्हटलं की डोळ्यासमोर येतात मतं, सत्ता, पदं आणि प्रचाराच्या गडबडीत हरवलेली माणुसकी. पण हाच चेहरा पूर्णपणे बदलणारी एक महिला कार्यकर्ती गेली सात वर्षं गुपचूपपणे समाजासाठी झटते आहे – ना कुठली जाहिरात, ना कुठले बोलबच्चन वाक्य, ना स्वप्न विकणारे भाषण! फक्त प्रामाणिक, निस्वार्थ आणि तळमळीचं कार्य… तिचं नाव – पूनम सावंत.
🟣 राजकारणापेक्षा समाजकारण महत्वाचं
"राजकारणात येणं हे माझं ध्येय नव्हतंच मुळी. मी BA झाल्यानंतर समाजाच्या गरजा जवळून बघू लागले. कुणाला औषधं नाहीत, कुणाला नोकरी नाही, तर कुणाचं शिक्षण अर्धवट थांबलेलं. अशा अनेक घटना माझ्या रोजच्या आयुष्यात घडत होत्या. मी कुठून तरी हे सगळं बदलायचं ठरवलं... आणि माझं पाऊल नकळत राजकारणाच्या दारात पडलं," असं सांगताना पूनम सावंत यांचे डोळे चमकतात.ती फक्त राजकारण करते असं म्हणणं चुकीचं ठरेल, कारण तिचं राजकारण म्हणजे समाजाच्या हक्कासाठी झटणं. राजकारण हे तिचं साधन आहे – समाजहितासाठी वापरायचं.
🔷 राज ठाकरे यांचं प्रभावी नेतृत्व
"मी कोणाच्याही मागे अंधपणे चालले नाही. पण जेव्हा मी राज ठाकरे साहेबांचे भाषण ऐकलं, तेव्हा जाणवलं – हा नेता काहीतरी वेगळं बोलतो. तो नुसता बोलत नाही, तो भिंती हलवतो, मन हलवतो," असं ती स्पष्ट सांगते.राज ठाकरे साहेब यांना ती आपले राजकीय गुरु मानते, तर अविनाश जाधव यांना आपला मार्गदर्शक नेता. ती सांगते, "अविनाश जाधव सरांसारखा नेतृत्ववर्ग जर प्रत्येक जिल्ह्यात तयार झाला, तर राजकारणाची ओळखच बदलून जाईल."
🔶 ७ वर्षांचा झगड्याचा प्रवास?
गेल्या सात वर्षांमध्ये पूनम सावंत यांनी अक्षरशः शून्यातून आपली ओळख तयार केली. कुठेही बॅकग्राऊंड नाही, कुठलाही राजकीय पाठिंबा नाही, पण मनात होती ती केवळ ‘करायचं’ ही जिद्द. ती हसत सांगते, "सुरुवातीला लोक हसत होते – ‘एक बाई काय करणार?’ पण आता तेच लोक मदतीला येतात."कोरोना काळ हे तिचं कार्याचं सुवर्णपान ठरलं. “सगळे घरी होते, पण मी रस्त्यावर होते. मला माहिती होतं की लोकांना गरज आहे – औषधांची, अन्नाची, धीराची. मी स्वतः हॉस्पिटलमध्ये फिरून पेशंटला रेमडेसिविर मिळवून दिलं, बेड मिळवून दिला,” ती सांगते आणि क्षणभर शांत होते.“काही वेळा डाॅक्टरांनी हात टेकले होते. नातेवाईक रडत होते. अशा वेळी मी केवळ एका कार्यकर्त्याच्या नात्याने नाही, तर एक माणूस म्हणून त्यांच्या पाठीशी उभी राहिले,” असं म्हणताना तिच्या आवाजात एक वेगळाच ठामपणा दिसतो.
🔸 पोलीस, गरीब, मजूर... सगळ्यांच्यासाठी 'पूनम ताई'
ती केवळ कोविडमध्ये नाही, तर नेहमीच गरिबांच्या मदतीला धावून जाते. दरवर्षी दिवाळीला गोरगरीबांना नवीन कपडे, शालेय वस्तू वाटप, गरजू विद्यार्थ्यांची शाळा दत्तक घेणं, त्या शाळेच्या दुरुस्तीसाठी स्वखर्चातून काम करणं, मुलांना नोकर्‍या मिळवून देणं, हे सगळं ती एकटी करते."माझा कोणताही फंड नाही, कोणतंही सरकारी पद नाही. पण लोकांचं आशीर्वाद आणि माणसांवरील प्रेम माझा सर्वात मोठा निधी आहे,” ती अभिमानाने सांगते.एका वेळी ती एका गरजू कुटुंबासाठी स्वतःच्या savings मधून किराणा पुरवठा केला होता. दुसऱ्यावेळी एका मुलीच्या शाळेची फी भरली. "ही माझी जाहिरात नाही, ही माझी जबाबदारी आहे," असं ती ठामपणे म्हणते.
🟡 'महिलांनी भीती सोडली पाहिजे'?
"सगळ्यात मोठा अडथळा म्हणजे – ‘तू मुलगी आहेस, राहू दे, लोक काय म्हणतील?’ पण मी ठरवलं होतं, की लोकांचं ऐकायचं नाही, लोकांसाठी करायचं,” पूनम सावंत असं सांगते. अनेक महिलांना प्रेरणा देते. तिच्या कार्यातून अनेक तरुण मुली मनसेच्या माध्यमातून काम करायला पुढे आल्या. "महिलांनी राजकारणात यायला हवं. आपण रडण्याऐवजी लढलं पाहिजे. समाज बदलवायचा असेल, तर घराबाहेर पडावंच लागेल,” असा तिचा स्पष्ट संदेश आहे.
🟠 राजकारणात आलेले अनुभव?
ती अनेकदा भावनिक झाली आहे, अनेकदा हताश झाली आहे. पण तिने हार मानलेली नाही. ती म्हणते, "कधी रडले, कधी झोप नाही लागली. पण दुसऱ्या दिवशी उठून मी परत समाजासाठी रस्त्यावर होते. कारण मी ठरवलं आहे – हार मानायची नाही."
ती पुढे सांगते, "कधी राजकीय गटबाजी झाली, कधी स्त्री म्हणून कमी लेखलं गेलं. पण मी एक गोष्ट कायम लक्षात ठेवली – मी कोणासाठीच कमी नाही!"
निधीच्या संघर्षाला साथ
ठाण्याच्या गोकुळनगर परिसरातील रहिवासी श्रीधर भोसले यांची कन्या, इयत्ता ६ वीमध्ये शिक्षण घेणारी निधी भोसले गेल्या वर्षभरापासून लिव्हरच्या गंभीर आजाराशी झुंज देत आहे. रिक्षा चालक असलेले वडील, घरकाम करणारी आई आणि एक लहान भाऊ या परिस्थितीत संपूर्ण कुटुंबावर मोठं आर्थिक संकट कोसळलं होतं. या कठीण काळात "कर्तव्य – एक सामाजिक जाणीव, एक हात मदतीचा" या संस्थेच्या माध्यमातून मनसेचे आमदार श्री. राजू पाटील (दादा) यांनी पुढाकार घेत निधीच्या संपूर्ण महिन्याच्या उपचार खर्चाची जबाबदारी स्वीकारली. अशा समाज कार्यात मला काम करायला मिळते हेच माझं यश आहे..
🔴 भविष्याचा निर्धार?
“आता मला समाजाच्या जास्त खोल भागात उतरायचं आहे. केवळ सेवा पुरवणं नव्हे, तर समस्या सोडवण्यासाठी सत्तेचा वापर करणं, ही गरज आहे. म्हणूनच, मी भविष्यात निवडणुकीत उतरण्याचा विचार करते आहे.” ती पुढे स्पष्ट करते, “मी निवडणूक लढवली, तर मतांसाठी नव्हे – तर मला मिळालेली संधी समाजाला परत करण्यासाठी असेल.”
 |
| राजकीय गुरू - अविनाश जाधव |
> "राजकारणात आली, पण विकली नाही,
स्वार्थासाठी लढली नाही,
सत्तेची भूक नव्हती, सेवेची आस होती,
पूनम सावंत नावाची ‘माणूस’ होती!"
पूनम सावंत यांचं जीवन हे प्रत्येक नवख्या कार्यकर्त्याला शिकवण देणारं आहे. कोणतंही पद, प्रसिद्धी किंवा सत्ता नसतानाही समाजमन जिंकणं शक्य आहे, हे त्यांनी सिद्ध केलं आहे. कोणतीही निवडणूक, पक्ष किंवा संधी त्यांना पुढे घेऊन जाईल की नाही, हे भविष्यात ठरेल. पण आजचं वास्तव हे आहे – एक महिला कार्यकर्ता, जिच्या कार्याला मनापासून सलाम करावा असा आहे.
{आपल्याला पूनम सावंत यांच्या कार्याबद्दल अधिक माहिती हवी असल्यास, खाली कमेंट करा किंवा आमच्या वेबसाइटला भेट द्या.}
(लेखक अजय शिंगे © न्यूज़कट्टा, २०२५ – सर्व हक्क राखीव)